Արցախում զինծառայող է վիրավորվել հակառակորդի կրակոցից
Արթուր Հայրապետյան
Հունվար 13, 2021
Արցախում զինծառայող է վիրավորվել հակառակորդի կրակոցից
Արցախի Հանրապետության պաշտպանության նախարարությունը հաղորդագրություն է տարածել, ըստ որի` հունվարի 13-ի ժամը 12:00-ի սահմաններում ՊԲ կենտրոնական ուղղությամբ տեղակայված զորամասերից մեկի պահպանության տեղամասում, հակառակորդի կողմից հրադադարի պահպանման ռեժիմի կոպիտ խախտման հետևանքով, հրազենային վիրավորում է ստացել զինծառայող, 2000 թ. ծնված Վարդան Վաչագանի Կիրակոսյանը: «Վիրավորում ստացած զինծառայողն անմիջապես տեղափոխվել է զինվորական հոսպիտալ և բարեհաջող վիրահատվել: Նրա վիճակը գնահատվում է կայուն ծանր: Դեպքի մանրամասները պարզելու համար կատարվում է քննություն», տեղեկացնում է ԱՀ ՊՆ մամուլի ծառայությունը։
Կիսվել