«Աստված գիտեր օձն ինչ սրտի տեր է, դրա համար ոտքեր չի տվել»

Արթուր Հայրապետյան Ապրիլ 12, 2021

«Աստված գիտեր օձն ինչ սրտի տեր է, դրա համար ոտքեր չի տվել»

Փաստորեն մենք դեռ պետք է հասկանանք, թե որտեղ թերացանք, ի՞նչն էր պատճառը մեր տկարության։ Մենք ենք մեղավոր այս շարունակվող՝ անելանելի, հուսահատական, կործանարար, խառնակչական գործողությունների, որը մեզ մատուցում են, ու մենք էլ այն առանց ընդդիմանալու կուլ տալիս. սինլքոր... Մենք եղածը տեսականորեն քննելու առիթը բաց չենք թողնում, բայց այդ քննածը գործի չենք վերածում: Ինչպես որ ճառ ասողները շատ են, զանգ կախող չկա...

Ոչ քաղաքական օրակարգ կա, ոչ էլ հույս, որ վաղը լավ է լինելու։

Ու շարունակվող այս մղձավանջում, բոլորս մեր հերթին ենք սպասում։ Սպասում ենք` վաղվան։ 

Կանցնի, սա էլ կանցնի, իսկ  «ազգափրկիչ»-ները կրկին կլծվեն հայրենիքի փրկության գործին..

ԱՐԹՈՒՐ ՀԱՅՐԱՊԵՏՅԱՆ 

Կիսվել