«Ցավում եմ, որ իմ խոսքը սխալ մեկնաբանության առիթ է դարձել»

Արթուր Հայրապետյան Փետրվար 11, 2021

«Ցավում եմ, որ իմ խոսքը սխալ մեկնաբանության առիթ է դարձել». Արսեն Թորոսյան 

ՀՀ կառավարության աշխատակազմի ղեկավար Արսեն Թորոսյանը ֆեյսբուքյան իր էջում գրել է. «Մեր անհետ կորած և գերեվարված եղբայրների հարգելի հարազատներ, ցավում եմ, որ գերեվարված և անհետ կորած մեր տղաների հարազատների հետ հանդիպումից հետո իմ խոսքը սխալ մեկնաբանության առիթ է դարձել: Ուզում եմ կրկին ասել այն, ինչ ասել եմ հարազատների հետ հանդիպմանը և խնդրել բոլորին զերծ մնալ նուրբ թեմաների շուրջ մանիպուլյատիվ հայտարարություններից: Հանդիպման ընթացքում հնչած այն պնդմանը, որ որևէ աշխատանք չի տարվում գերիների վերադարձի ուղղությամբ, պատասխանել եմ, որ կառավարությունն ամենօրյա աշխատանքներ է իրականացնում օր առաջ իրենց հարազատներին վերադարձնելու հայրենիք և որպես այդ աշխատանքի օրինակ եմ բերել մի քանի օր առաջ մեր 5 եղբայրների վերադարձը Հայաստան։ Խնդրել եմ և ևս մեկ անգամ խնդրում եմ զինվել համբերությամբ: Պատկան բոլոր մարմիններն անում են ամեն հնարավորը»: Հիշեցնենք, որ անհետ կորած զինծառայողի եղբայր, որոնողական աշխատանքների մասնակից Արսեն Ղուկասյանն ասել էր, որ գերեվարված զինծառայողների հարազատների հետ հանդիպման ժամանակ Արսեն Թորոսյանը ծնողներին ասել է, որ «պետք է շնորհակալ լինեք, որ այդ 5 գերուն բերել ենք»:

Կիսվել