Շիրակի մարզից գերեվարված անձանց հարազատները այսօր եւս ճանապարհներ են փակել

Արթուր Հայրապետյան Դեկտեմբեր 18, 2020

Շիրակի մարզից գերեվարված անձանց հարազատները այսօր եւս ճանապարհներ են փակել: Փակ է Գյումրի-Երեւան ճանապարհի՝ Հոռոմի խաչմերուկի հատվածը: Քեթի գյուղի բնակիչները, որտեղից եւս կան գերեվարված զինծառայողներ, փակել են ճանապարհը: Նրանց պահանջը մեկն է՝ հստակ տեղեկություններ իրենց հարազատների վերաբերյալ, որտեղ են, եւ նրանց վերադարձնելու ուղղությամբ ինչ աշխատանքներ են տարվելու: Նշենք, որ այսօր գերեվարվածների հարազատների հետ հանդիպելու է ՀՀ ՄԻՊ Արման Թաթոյանը: Հանդիպումը կայանալու է Շիրակի մարզպետարանում:

Կիսվել