Արա Աբրահամյանի ուղերձը
Արթուր Հայրապետյան
Մայիս 22, 2021
Արա Աբրամյանի ուղերձը
Հաշվի առնելով երեկվանից Հանրապետությունում առկա լարվածությունը նախօրեին հրապարակված փաստաթղթի և ՀՀ վարչապետի ժամանակավոր պաշտոնակատարի կողմից այն ստորագրելու պատրաստակամության շուրջ' ևս մեկ անգամ կոչ ենք անում քաղաքական, գիտական, մտավորական և մյուս բոլոր ոլորտների ողջ կարող ուժերին, ՀՀ մարդու իրավունքների պաշտպանին, ՀՀ ռազմական ղեկավարությանը, հասարակական կազմակերպություններին, անկախ քաղաքական և անձնական շահերից, համախմբվել հանու՛ն մեր պետության:
Մեզ մասնատելն ու բաժանելը հակառակորդի նպատակն է: Մենք պե՛տք է դա թույլ չտանք:
Այս օրը կարող է որոշիչ դառնալ մեր պատմության համար: 100 տարի անց սերունդները կամ կհպարտանան մեզնով, կամ կամաչեն մեր թուլության համար:
Մեր սահմանն այսօր բաց է հակառակորդի առջեւ, մեր զինվորն անպաշտպան է, տնտեսությունը կաթվածահար է, մեր քաղաքացին ապրում է համատարած լարվածության եւ բացասական ներգործության մեջ:
Հիմա, առավել քան երբևէ, պետք է գերակա լինի հայրենիքի/պետության շահը: Այսօրվա իշխանությունն ի վիճակի չէ կամ չի ուզում պաշտպանել այդ շահը:
Պետք է թույլ չտալ, որ ՀՀ իշխանությունները ստորագրեն մի փաստաթուղթ, որի մասին հանրությունը լիարժեք և ամբողջական տեղեկացված չէ, մասնագիտական շրջանակները չեն տվել իրենց գնահատականը և քանի դեռ բոլորս համոզված չենք, որ այդ փաստաթուղթը բարենպաստ է Հայաստանի համար։
Պետք է գործնական քայլեր ձեռնարկել:
Հայրենիքը վտանգված է։
Կիսվել