Արցախի ՊԲ-ի՝ հարավային դիրքերից մեկի ուղղությամբ ձեռնարկվել է հարձակման փորձ, կա երեք վիրավոր

Արթուր Հայրապետյան Դեկտեմբեր 12, 2020

Արցախի Պաշտպանության բանակը հայտնում է, որ դեկտեմբերի 11-ին՝ ժամը 20:40-ի սահմաններում, «ՊԲ հարավային ուղղությամբ տեղակայված մարտական դիրքերից մեկի ուղղությամբ հակառակորդը ձեռնարկել է հարձակման փորձ»: Համաձայն ՊԲ հաղորդագրության, ծավալված փոխհրաձգության հետևանքով տարբեր աստիճանների հրազենային վիրավորումներ են ստացել երեք պահեստազորայիններ: Նրանց կյանքին վտանգ չի սպառնում: Դեպքի մանրամասները պարզելու համար կատարվում է քննություն: Արցախի պաշտպանության բանկը նաև հերքում է ադրբեջանական լրատվամիջոցներում տարածված տեղեկատվությունն այն մասին, թե իբր Հադրութի հատվածում հայկական ուժերը դիմել են զինված սադրանքի, ինչի արդյունքում մեկ ադրբեջանցի զինծառայող է վիրավորվել:

Կիսվել