Արման Թաթոյանը Նախագահին ներկայացրել է անվտանգության ապառազմականացված գոտու ստեղծման հրատապությունը

Արթուր Հայրապետյան Դեկտեմբեր 15, 2021

Արման Թաթոյանը Նախագահին ներկայացրել է անվտանգության ապառազմականացված գոտու ստեղծման հրատապությունը

----------

Հայաստանի մարդու իրավունքների պաշտպան Արման Թաթոյանը հանդիպել է Հանրապետության նախագահ Արմեն Սարգսյանին:

 

Նախագահն ու Մարդու իրավունքների պաշտպանն անդրադարձել են հետպատերազմական շրջանում սահմանային բնակիչների իրավունքներին:

 

Արման Թաթոյանը Հանրապետության նախագահին է ներկայացրել Մարդու իրավունքների պաշտպանի աշխատակազմի կողմից Սյունիքի և Գեղարքունիքի մարզերում իրականացված փաստահավաք աշխատանքների արդյունքները, ադրբեջանական զինված ծառայողների արարքներով սահմանային բնակիչների իրավունքների խախտումները՝ ընդգծելով անվտանգության ապառազմականացված գոտու ստեղծման պարտադիրությունը:

 

Պաշտպանը տեղեկացրել է նաև, որ սահմանային բնակիչների իրավունքների խախտման փաստերը անհրաժեշտ առաջարկների ու հիմնավորումներով անընդհատ ներկայացնում է նպատակային կոնկրետ հարթակներում՝ միջազգային կառույցներին և դիվանագիտական առաքելություններին։ Ադրբեջանական զանգվածային ապատեղեկատվությունը նպատակ ունի ստվերել մարդու իրավունքների խնդիրները և այդ կերպ հարցերը դիտարկել միան քաղաքական ու ռազմական տեսանկյունից:

 

Նախագահն ու Մարդու իրավունքների պաշտպանը մտքեր են փոխանակել նաև մարդու իրավունքների պաշտպանության ոլորտում առկա մի շարք այլ խնդիրների շուրջ:

Կիսվել