Արմեն Սարգսյանն ընտրեց «երրորդ ճանապարհը»
Արթուր Հայրապետյան
Մարտ 03, 2021
Արմեն Սարգսյանն ընտրեց «երրորդ ճանապարհը»՝ չստորագրեց վարչապետի միջնորդությունը Գասպարյանին պաշտոնից ազատելու վերաբերյալ եւ դիմեց Սահմանադրական դատարան, բայց ոչ թե բուն միջնորդության իրավաչափությունը վիճարկելու խնդրով, այլ «Զինվորական ծառայության եւ զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով, ինչը նշանակում է, որ Օնիկ Գասպարյանի ազատման որոշումն իրավունքի ուժով կատարվելու է։
Սահմանադրագետ Գոհար Մելոյանը ասաց, որ Արմեն Սարգսյանը երեք հնարավորություն ուներ՝ Նիկոլ Փաշինյանի ուղարկած միջնորդության հետ կապված․ ստորագրել, չստորագրել եւ դիմել Սահմանադրական դատարան։
«Կարեւոր է ընդգծել, որ նախագահը, երբ առարկություններով վերադարձրեց Նիկոլ Փաշինյանին միջնորդությունը, իր հայտարարության մեջ ինքն արդեն նշել էր, որ միջնորդության նախագիծն առերեւույթ հակասում է Սահմանադրությանը, ուստի տրամաբանական էր, որ բոլորը հետեւություն արեցին՝ նա պարտադիր դիմելու է Սահմանադրական դատարան։ Սակայն, ինչպես ենթադրելի էր, ինքը հերթական անգամ գործարքի գնաց այս դավադիր ուժի հետ ու գործարքի արդյունքում փորձեց մանեւրել։ Այսինքն՝ հայտարարեց, որ չի ստորագրելու հրամանագիրը, մարտի 4-ին այն ուժի մեջ կմտնի, բայց «Զինվորական ծառայության եւ զինծառայողի կարգավիճակի մասին» օրենքն ուղարկեց Սահմանադրական դատարան, որի քննությունը կարող է ամիսներ տեւել»։
https://www.aravot.am/2021/03/03/1174947/
Կիսվել