Պատերազմի թեժ կռիվներում ստացել է վիրավորում, սակայն հրաժարվել է թողնել մարտական դիրքը
Արթուր Հայրապետյան
Հունվար 13, 2021
ԿՅԱՆՔ ՀԱՆՈՒՆ ԿՅԱՆՔԻ
Հերոսական քաղաքիս անմահ հերոս ՀԱՅԿ ՂՐԻՄՅԱՆԸ այսօր կդառնար 29 տարեկան... ՀԱՅԿ ՄԱՆՎԵԼԻ ՂՐԻՄՅԱՆԸ ծնվել է 1992 թ.-ի հունվարի 12-ին` Հրազդան քաղաքում։ Սովորել է Հրազդանի Վիլյամ Սարոյանի անվան հ. 11 միջնակարգ դպրոցում։ Ծառայել է ՀՀ Խաղաղապահ բրիգադում։ 2015 թ.-ին` Խաղաղապահ բրիգադի կազմում ծառայել է Աֆղանստանում` ստանձնելով խաղաղապահ առաքելություն։ 2016 թ.-ին վերադառնալուց հետո, մասնակցել է ապրիլյան քառօրյա պատերազմին։ Անվեհեր քաջորդին այնուհետև որոշել է ծառայությունը շարունակել հայոց ազգային բանակում, կնոջ և որդու հետ տեղափոխվելով Արցախ։
Ծառայության է անցել Արցախի Հանրապետության Պաշտպանության Բանակում, Մարտակերտի Հետախուզական հատուկ ջոկատում` որպես ջոկի հրամանատար։ 2020 թ.-ի սեպտեմբերի 27-ի սանձազերծվեց պատերազմ հայրենյաց երկրի դեմ` ադրբեջանա֊թուրքական ահաբեկչական կողմից։ Հերոս հրամանատար, անվեհեր մարտիկ, քաջազուն զինվորական ՀԱՅԿԸ ակտւվ մասնակցություն ունեցավ մղվող համառ մարտերին։ Պատերազմի թեժ կռիվներում ստացել է վիրավորում, սակայն հրաժարվել է թողնել մարտական դիրքը։ Հոկտեմբերի 13-ին, մարտական առաջադրանք կատարելիս, ՀԱՅԿ ՂՐԻՄՅԱՆԸ անմահացավ Մատաղիսում։ Ամուսնացած էր, ունի մեկ որդի` 6 տարեկան Մանվելը։ Հերոսի աճյունը ամփոփված է Հրազդանի ազատամարտիկների պանթեոնում(Քաղաքային կենտրոնական գերեզմանատուն) _____________ Հիշատակն արդարոց, օրհնությամբ եղիցի...
Իմ քաջ հայրենակից, դու քո կյանքը զոհեցիր հանուն մեր կյանքի... Հավերժ փառք և խոնարհում քո սուրբ հիշատակին... ՊԱՏԻՎ ՈՒՆԵՄ
Հրազդանի Վիլյամ Սարոյանի անվան N11 հիմնական դպրոց
ԱՐՄԵՆ ԱՅՎԱԶՅԱՆ
Կիսվել