Երեք տարի մեզ կերցնում են ցինիկ պոպոլիզմով
Արթուր Հայրապետյան Մայիս 09, 2021
«Հայաստան» դաշինքը մայիսի 9-ին Ազատության հրապարակում հանրահավաք էր կազմակերպել։ Միևնույն ժամանակ Հայաստանի Հանրապետության երկրորդ նախագահ Ռոբերտ Քոչարյանը, Հայ հեղափոխական դաշնակցություն և «Վերածնվող Հայաստան» կուսակցությունները համագործակցության հուշագիր ստորագրեցին։ Արարողությունը հեռարձակվում էր նաև Ազատության հրապարակում։
«Վերածնվող Հայաստան» կուսակցության նախագահ, Սյունիքի նախկին մարզպետ Վահե Հակոբյանը իր ելույթի ընթացքում ասաց, որ նույն հրապարակում 33 տարի առաջ սկսվեց ազատագրական շարժումը և ավարտվեց հաղթանակով․ «Այն ժամանակ պարզ էր ամեն ինչ։ Մենք ունեինք մեկ թշնամի և դա թուրքն էր։ Այսօր ներքին թուրքն է մեր թշնամին։ Գումարվել է արտաքին մեր բոլոր թշնամիներին։ Երեք տարի մեզ կերցնում են ցինիկ պոպուլիզմով, ողողել են մեր կյանքը ստով, զրպարտությամբ, կիսել են, ջրբաժաններ են սարքել, սարքել են արհեստական բարիկադներ, որտեղ մի կողմում ազգադավ, անհայրենիք դավաճաններ են, մյուս կողմից պայքարում են մեր հայրենիքի համար, մեր երեխաների համար։ Բավական է, էլ թույլ չենք տալու»։
Կիսվել
