Հերոս` Վաչագան Մանուկյանին նվիրված գրական-երաժշտական ցերեկույթ
Արթուր Հայրապետյան
Նոյեմբեր 20, 2021
Անմահության խորհրդով
Վաչագան Մանուկյան
Աղքատացել ու խեղճացել է երկիրն առանց Ձեզ տղերք... երկինքը հարստեցել է Ձեզնով...
Փառք Ձեզ.... եղեցի լույս։
Այսօր Հայաստանի գրողների միության մեծ դահլիճում տեղի ունեցավ 44-օրյա պատերազմում նահատակված, մեր օրերի ազգային հերոս` Վաչագան Մանուկյանի գրական-երաժշտական ցերեկույթը։
Վաչագանը արդեն մեկ տարի է, որ երկրի վրա` մեզ հետ չէ` իր երկրային առաքելությունը դեռ չավարտած` երկնքում տեղ էր պահել, որ մեզնից հեռու թողներ գոյությունը։ Երկիրը արժանի չեղավ նրան։
Գրական-երաժշտական ցերեկույթին ներկա էին` Բագրատ եպիսկոպոս Գալստանյանը, որն էլ տերունական աղոթքով միջոցառման բացումը ազդարարեց։
Ներկա էին նաեւ` մտավորականներ, հասարակական գործիչներ, արվեստագետներ, Վաչագանի հետ կռված տղաներ.. դահլիճը լուռ էր։ Ներկաների լուռ հեկեկոցը դահլիճից երկինք էր բարձրանում։
Ընթերցվեց Վաչագան Մանուկյանի ստեղծագործություններից։ Հիշեցին ներկաները նրան, ու կարոտով նրա հայի տեսակը` պատգամ դարձավ` հողը ամուր պահել։
Իսկ հերոսածին հոր` Դավիթ Ամալյանի հոգեպարար կատարումը էլ ավելի հուզեց ներկաներին։
Գրող` Խաչիկ Մանուկյանի գրող, հերոս որդին` Վաչագանը մեր սրբազան հողի պաշտպանը, մի պատգամ ուներ մնացածներիս` երբեք չնահանջել...
Կյանքն էլ մեր հերթին, մեր անտարբերության պատճառով ծանր եղավ, ծանր ու անդառնալի կորուստներով, մինչդեռ մեր հերոս որդիների աննման սերը Հայրենիքի ու Հայրենիքի համար հերոսացած, երբեք չպետք է մոռացվի։
Փառք ձեզ տղերք։
Փառք քեզ Վաչագան, որ մինչեւ վերջին րոպեն մաքառեցիր.... Ձեզնով ենք հպարտ։ Բայց Ձեր դեմ ամոթով ենք, որ չկարողացանք պահել հողը....
Կիսվել