Իմպուլսիվ, անհավասարակշիռ խոսքեր
Արթուր Հայրապետյան
Հունիս 09, 2021
Ես վստահ եմ, որ մեր պետության ձախողումների, եւ, մասնավորապես, պատերազմում կրած նվաստացուցիչ պարտության պատճառներից մեկը Փաշինյանի իմպուլսիվ, անհավասարակշիռ խոսքերն էին եւ գործողությունները՝ բանակի, գեներալների, դիվանագետների (որոնք, իմ ընկալմամբ, նույն զինծառայողներն են՝ միայն «փողկապով»), ընդհանրապես՝ պետական ապարատի հարցերում: «Նախկիններին» պատժելու եւ սեփական ընտրազանգվածի հրճվալից աղաղակների արժանանալու մոլուցքը ստվերում է պետական շահը: Համաձայն չեմ, որ Փաշինյանը դիտավորյալ ձգտում է քայքայել բանակը, ԱԳՆ-ն եւ ընդհանրապես պետական կառույցները, բայց միտումի բացակայությունից այդ քայքայումը պակաս ցավալի չէ: Զինված ուժերի գլխավոր հրամանատարը չի կարող բանակի մասին խոսել «կոնֆետ շպրտելու» մակարդակով: Այս սենսացիոն «բացահայտումը» թողեք «սունկ-կայքերին»:
Արամ Աբրահամյան
Կիսվել