Իշխանությունը խեղճություն չէ

Արթուր Հայրապետյան Մայիս 24, 2022

Հիշենք, թե ինչ խոստումներով և սկզբունքներով իշխանության եկան այս հեղափոխականները: Ի՜նչ հույս ու սպասելիք, խանդավառ հավատ ուներ սրանց փողոցից պալատ փոխադրող ժողովուրդը: Արդյո՞ք ժողովրդից թալանվածը ետ բերվեց և բաժանվեց ժողովրդին: Որևէ թալանչի ձերբակալվա՞ծ է, կրո՞ւմ է իր պատիժը բանտախցում: Մարտի 1-ը բացահայտվե՞ց, գոնե մեկը մեղավոր ճանաչվե՞ց: Հոկտեմբերի 27-ը նորովի բացահայտվե՞ց: Հողի մշակի վիճակը լավացե՞լ է: Ուղղակի հարցնենք՝ գյուղացու մասին որևէ իշխանավոր հիշո՞ւմ է: Քաղաքաբնակը սոցիալապես ավելի ապահո՞վ է, նոր աշխատատեղեր ստեղծվե՞լ են: Հասարակ մարդկանցից որևէ մեկն ավելի լա՞վ է ապրում: Ներդրումներ արվե՞լ են, տնտեսական թռիչքաձև աճ ունեցա՞նք, ինչպես պատգամել էր հեղափոխությունը: Մեր կյանքը դեպի լա՞վն է փոխվել, թե՞ վատը: Միայն թե չասեք՝ էդ խեղճերի ձեռն ինչ կա, որ ինչ անեն: Իշխանություն կա: Իսկ իշխանությունը խեղճություն չէ:

Հուսիկ Արա

Կիսվել