Մարդ պետք է մի քիչ Ավո լինի

Արթուր Հայրապետյան Մայիս 07, 2022

Հրածին Վարդևանյանի էջից

Մարդ պետք է մի քիչ Ավո լինի.

Մոնթեն երբեք չէր ծխում, հայհոյում էր շատ հազվադեպ, երբեք ոգելից խմիչք չէր օգտագործում: Երբ մասնակցում էր ավանդական կենացներին, կարող էր բարձրացնել մի բաժակ մածուն: Նա իր ամսական աշխատավարձը տալիս էր խոհարարներին, միշտ մերժում էր մենաշնորհները` գերադասելով ապրել նույն պայմաններում, ինչ իր հրամանատարության տակ գտնվող զինվորները: 

Մի օր էլ երբ նրան առաջարկեցին զինվորական տաք բաճկոն (իր հագինը չափից ավելի մաշված էր), Մոնթեն հրաժարվեց այն վերցնել, ասելով. "Չե՞ս ամչնար, տար դիրքեր` տղաներին": Այդօրինակ վերաբերմունքը շրջապատի հանդեպ, բնականաբար, իր դրական ազդեցությունն էր թողնում Ավոյի հեղինակության վրա: Եվ պատահական չէ, որ մարտունեցիները, երբ ուզում էին ասել` "Մարդ պետք է մի քիչ ազնիվ լինի", փոխարենը ասում էին. "Մարդ պետք է մի քիչ Ավո լինի":

Հ.Գ Մի քիչ Ավո , մի քիչ Պետո, մի քիչ Թաթուլ, մի քիչ Կարոտ....և մի քիչ այն տղաները եղեք, որ չվերադարձան։Ձեր հետ եմ իշխանավորիկներ։Դուք մարդուկից անցում չունեցաք դեպի մարդ։

Կիսվել