Փաշինյանի հիմնական մրցակիցը համարվում էր Քոչարյանը

Արթուր Հայրապետյան Հունիս 22, 2021

Առաջին պատճառը, որն իրավացիորեն նշվում է շատերի կողմից, այն է, որ որպես Փաշինյանի հիմնական մրցակից ընկալվում էր Ռոբերտ Քոչարյանը, իսկ Հայաստանի երկրորդ նախագահի հանդեպ հասարակական վերաբերմունքը հիմնականում բացասական է: Քոչարյանի անունը մարդիկ կապում են անազնիվ ճանապարհով ձեռք բերված միլիոնավոր դոլարների, հոկտեմբերի 27-ի, մարտի 1-ի եւ շատ այլ դառը հիշողությունների հետ: Չգիտեմ, թե որքանով են այս բոլոր մեղադրանքները հիմնավորված. բոլոր դեպքերում 2008 թվականի մարտի 1-ին 10 հոգի իսկապես սպանվել է Երեւանի փողոցներում, եւ այդ ժամանակ երկրի ղեկավարը Քոչարյանն էր: Գուցե նա իրեն պատասխանատու, բայց մեղավոր չի զգում, բայց այդ արդարացումները գոնե ինձ համար համոզիչ չեն: Բացի վերը թվարկածից, Ռոբերտ Քոչարյանը տարբեր մարդկանց մոտ զանազան բացասական ասոցիացիաներ է առաջացնում: Այդ թվում՝ ինձ մոտ: Բայց ես, բացի Փաշինյանից եւ Քոչարյանից, տեսնում էի նաեւ այլ քաղաքական ուժեր, իսկ մեր ընտրողների մեծ մասը՝ չէր տեսնում: Այնպես չէ, իմ կարծիքով, որ նրանք Փաշինյանին ինչ-որ հանճարեղ ղեկավար են համարում: Բայց նրանք ավելի շատ են վախենում Քոչարյանի վերադարձից, քան Փաշինյանի վերարտադրությունից:

Արամ Աբրահամյան

Կիսվել