Ուղին ճշմարիտ է, եթե այն հայրենիք է բերում. Արցախում մեկնարկում է ամառային ճամբարը
Արթուր Հայրապետյան Օգոստոս 09, 2021
Ուղին ճշմարիտ է ,եթե այն հայրենիք է բերում. Արցախում մեկնարկում է
10 տարի առաջ այս օրը Արցախում հիմնվեց 'Հայկի Սերունդ " հասարակական կազմակերպությունը։ Այն ի սկզբանե որդեգրել էր արժանի սերունդ դաստիարակելու կարևորագույն առաքելությունը։ Դա էր պատճառը ,որ ամեն տարի Շուշիում կազմակերպվում էր պատանիների և երիտասարդների համար ամառային ճամբարներ ։ Ճամբարի նախնական աշխատանքները այս տարի ևս նախորդ տարիների նման սկսվում է նշված օրվանից մի քանի օր շուտ։ Այս անգամ սակայն Շուշվա կարոտն ու կորստի ցավը սրտներում։
Համատեղ աշխատանքի մշակույթը միավորում է երիտասարդներին . եթե նախորդ տարիներին կազմակերպչական աշխատանքները ուրախ երգով էին ուղեկցվում ,այս անգամ Շուշիի մասին հիշողություններով։ Ճամբարը Ասկերանի շրջանում կազմակերպում են և իրենք իրենց խոսք տալիս ` այնպիսի սերունդ է մեծանալու, որ կորցրածը հետ ենք բերելու ։
Տարածքի բարեկարգումն ու վրանների ամրացման աշխատանքները շուտով կավարտվեն ։ Եվ վաղն արդեն արցախցի 200 պատանի իր ամառային հանգիստը կանցկացնի այստեղ ` քաջ գիտակցելով, որ ստացած գիտելիքները պարտավոր է ծառայեցնելու հայրենի Արցախին ։
"Հայկի Սերունդ" ՀԿ ղեկավար Արմինե Պետրոսյանն իր խոսքում նշեց . " Այս տարի մեր ճամբարը նվիրված է մեր կառույցի 9 նահատակ հերոսներին և ի դեմս նրանց մեր բոլոր նահատակ տղաներին ։ Մենք հավատարիմ ենք մնում մեր կարգախոսին և պնդում ենք ` Ուղին ճշմարիտ է ,եթե այն հայրենիք է բերում "։
Բազմաբովանդակ ծրագրի առանձին կետերին մեր թղթակիցը կանդրադառնա ճամբարի տարբեր օրերին ։
Կիսվել
