«Որ հետ չգայինք, ո՞վ էր մեր ծնողներին, հարազատներին տեղեկություն տալու». ԳՇ պետին հարցնում են մարտական գործողություններին մասնակցած, բայց ոչ մի տեղ չհաշվառված երիտասարդները

Արթուր Հայրապետյան Փետրվար 15, 2021

«Որ հետ չգայինք, ո՞վ էր մեր ծնողներին, հարազատներին տեղեկություն տալու». ԳՇ պետին հարցնում են մարտական գործողություններին մասնակցած, բայց ոչ մի տեղ չհաշվառված երիտասարդները

 

«Մենք հոկտեմբերի 5-ից նոյեմբերի 12-ը ձեր զորամասում մարտական հերթապահություն ենք իրականացրել, ուզում ենք ճշտել՝ մեր անունները կա՞ն ձեր զորամասում»,-Արցախի «Մարտունի 3» զորամասի ֆինանսական բաժնի պատասխանատուին հեռախոսով հարցրեց Հովհաննես Շահբազյանը, որն իր 9 ծառայակից ընկերների հետ պատերազմի օրերին մարտական հերթապահություն է իրականացրել այդ զորամասում, սակայն նրանցից ոչ մեկի անունը որեւէ ցուցակում նշված չէ: Տղաներն ասում են, որ որեւէ փաստաթղթում չկա, որ տղաները մասնակցել են մարտական գործողություններին:

 

«Որ հետ չգայինք, ո՞վ էր մեր ծնողներին, հարազատներին տեղեկություն տալու: Հոկտեմբերի 2-ից զինգրքույկները հանձնել ենք Չարենցավանի զինկոմիսարիատ եւ այդ օրվանից զինգրքույկի երես չենք տեսել: Տարել են Հայկազով, այնտեղից գնացել ենք Խոջալու, Խոջալուից՝ Ասկերան, հետո նորից Հայկազով, այնտեղից կրկին Ասկերան, հետո՝ Խոջալու, այնտեղ ի վերջո մեզ «ֆորմա» տվեցին, ուղարկեցին Բալուջա, այնտեղ զենք-զինամթերք ստացանք ու մեզ տարան Աստղաձոր, ապա՝ «Մարտունի 3»: Բայց որեւէ տեղ մեր անունները չկան»,-ասաց Հովհաննեսը:

 

https://www.aravot.am/2021/02/15/1171326/

Կիսվել