Որոշ պաշտոնյաներ ու հանրային գործիչներ վերջին օրերին ՀՀ սահմանների մասին անում են խիստ վտանգավոր հայտարարություններ, խոսում են մեխանիկական մոտեցումներով՝ հղումներ անելով պարզապես ինչ որ քարտեզների կամ ուղղակի օգտագործելով «սահմանազատում» ու «սահմանագծում»

Արթուր Հայրապետյան Մայիս 25, 2021

Որոշ պաշտոնյաներ ու հանրային գործիչներ վերջին օրերին ՀՀ սահմանների մասին անում են խիստ վտանգավոր հայտարարություններ, խոսում են մեխանիկական մոտեցումներով՝ հղումներ անելով պարզապես ինչ որ քարտեզների կամ ուղղակի օգտագործելով «սահմանազատում» ու «սահմանագծում» բառերը:

Այդ պաշտոնյաներին ու հանրային գործիչներին զգուշացնում եմ՝

ձեր մեխանիկական հայտարարություններն ուղղակիորեն հակասում են ՀՀ ողջ բնակչության ու առաջին հերթին սահմանային բնակիչների իրավունքներին ու օրինական շահերին:

Այդ անպատասխանատու հայտարարությունները թմրեցնում են մեր ժողովրդի զգոնությունը, երկարաժամկետ հեռանկարում վտանգում են մեր երեխաների իրավունքներն ու խաղաղ ապագան:

Ճիշտ սահմանազատումը մարդու իրավունքների կարևոր երաշխիք է, բայց չի կարելի սահմանազատման հարցերին վերաբերվել մեխանիկական մոտեցումներով:

Սահմանազատումն ուղիղ ազդեցություն ունի մեր սահմանային գյուղերում ու քաղաքներում ապրող մարդկանց իրավունքների (սեփականության, հողագործությամբ ու անասնապահությամբ զբաղվելու, արժանապատիվ, անվտանգ ու խաղաղ ապրելու և այլ իրավունքներ) վրա:

Չպետք է մոռանալ, որ ադրբեջանական բարձրագույն իշխանական մակարդակում Հայաստանն ու հայ ժողովուրդը, ՀՀ քաղաքացին համարվում են թշնամի, իսկ հայատյացությունն ունի պետական հովանավորչություն: Չպետք է մոռանալ, որ ադրբեջանական զինված ծառայողները ընդամենը մի քանի ամիս առաջ խոշտանգում ու գլխատում էին մեր հայրենակիցներին ու դրա համար նրանք ոչ միայն չեն ենթարկվել պատասխանատվության, այլ դա միայն խրախուսվել է: Չպետք է մոռանալ զինված հարձակումների դադարից հետո Սյունիքում ու Գեղարքունիքում ադրբեջանական զինվորականների կողմից մարդու իրավունքների խախտումների մասին, ինչպես նաև այն մասին, որ ադրբեջանական իշխանությունները մինչ օրս հրաժարվում են վերադարձնել մեր գերիներին՝ մարդու իրավունքների միջազգային երաշխիքների կոպիտ խախտումներով:

Պետք է անել ճիշտ հակառակը՝ սահմանազատումը պետք է իրականացնել միայն անվտանգության գոտի ստեղծելուց հետո կամ առնվազն դրան զուգահեռ:

Եվս մեկ անգամ հատուկ ընդգծում եմ, որ առկա պայմաններում Ադրբեջանի հետ միայն սահմանազատումը` առանց անվտանգության գոտու, ոչ միայն չի ապահովելու ՀՀ քաղաքացիների ու հատկապես ՀՀ սահմանային բնակիչների իրավունքները, այլ կդառնա իրավունքների նոր խախտումների ու նոր լարվածության պատճառ, չի ապահովելու խաղաղություն տարածաշրջանում:

Արման Թաթոյան

Հայաստանի մարդու իրավունքների պաշտպան

???????? 

Some officials and public figures have been making very dangerous statements about the borders of the Republic of Armenia in recent days, speaking with mechanical approaches, referring only to some maps or simply using the words "delimitation" and "demarcation".

I warn those officials and public figures:

Your mechanical statements directly contradict rights and legal interests of the entire population of the Republic of Armenia and, first and foremost, it’s border residents.

These irresponsible statements numb the vigilance of our people, endanger rights of our children and the peaceful future in the long perspective.

Proper delimitation is a strong guarantee of human rights, but delimitation issues cannot be approached mechanically.

Delimitation has a direct impact on the rights of people living in our border villages and towns (property, farming and animal husbandry, dignified, safe and peaceful living, etc).

We should not forget that at the highest level of power in Azerbaijan, Armenia, RA citizens of and the Armenian people, are considered enemies, and the hatred towards Armenians is state supported. We should not forget that the Azerbaijani armed forces were torturing and beheading our compatriots only a few months ago, and for that they were not only not held accountable, but rather, they were only encouraged. We should not forget about the human rights violations by the Azerbaijani armed soldiers in Syunik and Gegharkunik after the cessation of the military attacks, as well as the fact that the Azerbaijani authorities still refuse to return our captives in gross violation of international human rights requirements.

The exact opposite should be done: delimitation must be carried out only after creation of a security zone, or at the very least, in parallel with it.

I emphasize once again that in the current conditions, the delimitation with Azerbaijan without a security zone will not only not guarantee rights of the citizens of Armenia, especially rights of border residents, but will cause new human rights violations and new tensions, and will not ensure peace in the region.

Arman Tatoyan

The Human Rights Defender of Armenia

Կիսվել