Ախր տեսած պիտի լինեք, որ իմանաք, թե ի՜նչ քաղաք է եղել Շուշի Ղալան

Արթուր Հայրապետյան Փետրվար 09, 2021

....Ախր տեսած պիտի լինեք, որ իմանաք, թե ի՜նչ քաղաք է եղել Շուշի Ղալան, մի Փարի՜զ, մի Լոնդո՜ն.... Ա՛յ բալեք, այսօր իմ սիրտը տխուր է, ձեզ խնձոր չեմ տա...միայն թե դուք ուրախ լինեք, էստեղ լինեք, առողջ լինեք, բայց չմոռանաք ձեր տոհմը, ձեր պապական օջախը, ձեր թագավորական լեզուն, ձեր էն սիրուն, մարալ-ջեյրան, էն հուրի-փերի, Դունյա-գյոզալ Շուշի-Ղալան... Էն ոսկով, ադամանդով, կանաչ-կարմիր, ոսկեզոծ, գույնզգույն շորերով, մետաքսում ու ատլասում կորած Շուշի Ղալան, որ էն սարի գլխին, բարձր քերծի գլխին մի թագուհի էր, իսկ հիմա ընկած, մեռած է, տեղն էլ «դուզ», միայն գարունը երբ գալիս է, գերեզմաններն են կանաչում, լցվում ծաղիկներով... Գրի է առել նշանավոր բանահավաք-բանագետ Մարգարիտ Գրիգորյան-Սպանդարյանը 1930թ Շուշիի հայ բնակչության կոտորածից և քաղաքի այրվելուց տաս տարի անց։

Կիսվել