ԱՎԱԳ ՇԱԲԱԹՎԱ ԾԻՍԱԿԱՆ ԺԱՄԱՆԱԿԱՑՈՒՅՑ

Արթուր Հայրապետյան Ապրիլ 11, 2022

ԱՎԱԳ ՇԱԲԱԹՎԱ ԾԻՍԱԿԱՆ ԺԱՄԱՆԱԿԱՑՈՒՅՑ

Ավագ շաբաթը մեր Տիրոջ՝ Հիսուս Քրիստոսի երկրային կյանքի վերջին օրերի իրադարձությունների հիշատակության՝ չարչարանքների, խաչելության, թաղման, ինչպես նաև դժոխքի ավերման, հոգիների ազատման և հրաշափառ Հարության շաբաթն է: Այս շաբաթվա մեջ կատարվեց այն ամենը, ինչ անհրաժեշտ էր մեղավոր մարդուն վերստին անմահություն պարգևելու և Երկնքի արքայություն փոխադրելու համար:

Ավագ շաբաթվա ընթացքում Քրիստոս հաստատեց Եկեղեցու գլխավոր խորհուրդներից մեկը՝ Ս. Հաղորդության խորհուրդը՝ որպես Տիրոջ հետ հաղորդակցվելու բացառիկ հնարավորություն:

Այս շաբաթը կոչվում է Ավագ, քանի որ նաեւ խորհրդանշում է չորս մեծ ժամանակաշրջաններ. նախ՝ աշխարհի արարման շաբաթը, ապա՝ այս կյանքի յոթ փուլերը (ըստ Եկեղեցու հայրերի՝ արարչությունից մինչև Տիրոջ երկրորդ գալուստը յոթ շրջան է), այնուհետև՝ Քրիստոսի չարչարանքների շաբաթը և վերջապես՝ աշխարհի վախճանը:

Ավագ շաբաթը սկսվում է Ծաղկազարդի կիրակիով: Շաբաթվա յուրաքանչյուր օրվա խորհրդի մասին ավելի մանրամասն կարող եք ծանոթանալ այստեղ: 

Ստորեւ Ձեզ ենք ներկայացնում Արարատյան Հայրապետական թեմի եկեղեցիների՝ Ավագ շաբաթվա ծիսական ժամանակացույցը:

Ապրիլի 11-ին` Ավագ երկուշաբթի: Արարչագործության, անիծված թզենու և տաճարը վաճառականներից մաքրելու հիշատակության օր 

ժ. 9.00-ին` առավոտյան ժամերգություն

ժ. 17.00-ին` երեկոյան ժամերգություն

Ապրիլի 12-ին` Ավագ երեքշաբթի: Տասը կույսերի հիշատակության օր

ժ. 9.00-ին` առավոտյան ժամերգություն

ժ. 17.00-ին` երեկոյան ժամերգություն

Երեկոյան ժամերգության ավարտին եկեղեցու դասում հավաքվում են 10 կույսերին խորհրդանշող աղջնակներ: Նրանք վիճակահանությամբ նախապես որոշում են, թե ով է խորհրդանշելու հինգը խելացի, հինգը հիմար կույսերին: Վերջիններիս մոմերը ավետարանական ընթերցումների ժամանակ մարում են:

Ապրիլի 13-ին` Ավագ չորեքշաբթի: Մեր Տեր Հիսուս Քրիստոսի մատնության հիշատակության օր

ժ. 9.00-ին` առավոտյան ժամերգություն

ժ. 17.00-ին` երեկոյան ժամերգություն

Ապրիլի 14-ին` Ավագ հինգշաբթի: Մեր Տեր Հիսուս Քրիստոսի վերջին ընթրիքի հիշատակության և Ս. Հաղորդության խորհրդի հաստատման օր: 

ժ. 9.00-ին` առավոտյան ժամերգություն: Ավարտին կկատարվի ապաշխարողների արձակման կարգ։

ժ. 11.00-ին` Ս. Պատարագ 

ժ. 16.00-ին` Ոտնլվայի արարողություն: Ավարտին կկատարվի յուղի օրհնություն

ժ. 19.00-ին` Խավարման կարգ 

Ապրիլի 15-ին` Ավագ ուրբաթ: Հիսուս Քրիստոսի չարչարանքների, խաչելության, մահվան ու թաղման հիշատակի օր 

ժ. 11.00-ին` Խաչելության կարգ 

ժ. 17.00-ին` Թաղման կարգ: Կպատրաստվի Տիրոջ խորհրդանշական գերեզմանը: Արարողության ավարտին հավատացյալները հնարավորություն կունենան խոնարհվելու կամ անցնելու գերեզմանի տակով` Տիրոջից իրենց հոգիների փրկություն ու առողջություն խնդրելով:

Ապրիլի 16-ին`Ավագ շաբաթ: Դժոխքի ավերում: Ճրագալույց 

ժ. 9.00-ին առավոտյան ժամերգություն

ժ. 17.00-ին` երեկոյան ժամերգություն

ժ. 18.00-ին` Ճրագալույցի Ս. Պատարագ: Հավարտ Ս. Պատարագի կտրվի Ս. Հարության Ավետիսը` «Քրիստոս Յարյաւ ի մեռելոց: Օրհնեալ է Յարութիւնն Քրիստոսի»։ Մարդիկ վառված ճրագները կտանեն տուն` ի նշան Քրիստոսի օրհնաբեր լույսի:

ժ․ 20․00-ին՝ «Հարության Ավետիս» խորագրով կանթեղներով երթ։ 

Ապրիլի 17-ին` Սուրբ Զատիկ. Մեր Տեր Հիսուս Քրիստոսի Հրաշափառ Հարության տոն

ժ. 9.00-ին առավոտյան ժամերգություն

ժ. 11.00-ին` տոնական Ս. Պատարագ

Ապրիլի 18-ին` ննջեցյալների հիշատակության օր` Մեռելոց  

ժ. 9.00-ին առավոտյան ժամերգություն

ժ. 10.30-ին` Ս. Պատարագ

ժ. 12.30-ին` Հոգեհանգստյան կա

Տեր Պետրոս ավագ քահանա Մալյանի Ֆբ էջից 

Կիսվել