«Բոլորը բոլորի դիմաց» սկզբունքը պետք է պահպանվի. Հանս վան Բաալեն

Արթուր Հայրապետյան Փետրվար 23, 2021

«Բոլորը բոլորի դիմաց» սկզբունքը պետք է պահպանվի. Հանս վան Բաալեն

ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան իր էջում գրում է. «Քիչ առաջ ստացա «Եվրոպայի Ազատականների և Ժողովրդավարների Դաշինքի («ALDE» – Եվրոպայի խորհրդի խորհրդարանական վեհաժողովի քաղաքական խումբ, «Renew Europe» – Եվրախորհրդարանի քաղաքական խումբ)» նախագահ Հանս վան Բաալենի պատասխանն իմ նամակին՝ կապված հայ գերիների վերադարձման հետ։ Պարոն Բաալենը գրում է, որ հետևում է գործընթացին և գտնում, որ «բոլորը բոլորի դիմաց» սկզբունքը պետք է պահպանվի՝ կոչ անելով արձակել գերիներին, որպեսզի նրանք կարողանան վերադառնալ տուն։ Նա նաև գտնում, է որ տարածաշրջանում խաղաղության երկխոսությունը պետք է վերսկսվի ու աջակցություն հայտնում խաղաղություն բերող միջազգային առաքելությունների իրականացմանը՝ կոչ անելով տարածաշրջանի հարևան ուժերին ձեռնպահ մնալ այնպիսի ներգրավումից, որը կարող է բերել բռնության հետագա էսկալացիայի»։

Կիսվել