Չեմ կարող համակերպվել Հայրենիք ծախողների հետ

Արթուր Հայրապետյան Մայիս 06, 2022

Արդեն մեկ տարուց ավելի է՝ առողջական խնդիրների պատճառով նա բեմ չի բարձրանում։ Ամենաշատը կարոտել է հանդիսատեսի ծափերը, բայց չի հուսահատվում, ասում է՝ դեռ դերեր ունի խաղալու: BRAVO.am-ի զրուցակիցը ՀՀ ժողովրդական արտիստ, դերասան Գուժ Մանուկյանն է։ 84-ամյա դերասանի հետ զրուցել ենք իր տան այգում, խոսել անցած-գնացած օրերի մասին: Հիշել ենք մանկությունը, ինչպես է ընտրել դերասանի մասնագիտությունը, եւ այլն:

- Արվեստագետների ընտանիքից եք եւ հետաքրքիր հուշեր ունեք:

- Ծնվել եմ դերասանուհի Վալենտինա Արաքսմանյանի եւ դրամատուրգ Ալեքսանդր Արաքսմանյանի ընտանիքում։ 5-6 տարեկան էի, մայրս տանը դերերից հատվածներ էր փորձում, ես ուշադիր նայում էի ու ասում․«Մա՛մ, դու գի՞ժ ես: Չգիտեի, որ մի օր էլ ես եմ նվիրվելու այդ «գժությանը», որ կոչվում է թատրոն: Իհարկե, մեր դաստիարակությամբ տատիկս էր զբաղվում, որն ավարտել էր ռուսական գիմնազիան։ Անընդհատ կարդում էր, ուսուցչանոցից դուրս չէր գալիս, հենց երկուս էի ստանում, դասատուները տատիկս միանգամից բողոքում էին։ Մենք խուժանային շրջապատում ենք մեծացել։ Մեր մուտքում գողականները ղումար էին խաղում, տատիկս ասում էր․«Ըդիկ վատ բան է, չսորվիք», ու դա տպավորվեց։

Կիսվել