Իսրայելը հարվածներ է հասցրել ՀԱՄԱՍ-ի օբյեկտներին

Արթուր Հայրապետյան Մայիս 11, 2021

Իսրայելը հարվածներ է հասցրել ՀԱՄԱՍ-ի օբյեկտներին

Երկուշաբթի երեկոյան Իսրայելի բանակը սկսել է հարվածել պաղեստինյան ՀԱՄԱՍ խմբավորման օբյեկտներին՝ ի պատասխան Գազայի հատվածից դեպի Իսրայելի տարածք արբանյակների արձակման։

Իսրայելի պաշտպանության բանակի տվյալներով՝ հարվածները հասցվել են երկու հրթիռային կայանքների, երկու ռազմական պահակակետերի, ինչպես նաև ՀԱՄԱՍ-ին պատկանող թունելին ու խմբավորման մի քանի ներկայացուցիչների։

Զինվորականները տեղեկացրել են, որ ընդհանուր առմամբ՝ Գազայի հատվածից արձակվել է առնվազն 150 հրթիռ, դրանց մեծ մասը վայրէջք է կատարել ազատ տարածքում, կամ էլ դրանք որսացել է «Երկաթե գմբեթ» հակահրթիռային պաշտպանության համակարգը։

Իսրայելի վարչապետ Բինիամին Նեթանյահուն հայտարարել է, որ հարձակումներն անպատասխան չեն մնա։

Իսրայելի հրթիռակոծման պատասխանատվությունը ստանձնել է ՀԱՄԱՍ-ի ռազմական թևը՝ «Ալ Քասամ բրիգադները»։ Պաղեստինյան «Իսլամական ջիհարդ» խմբավորումը նույնպես հաղորդել է Իսրայելին հարվածներ հասցնելու մասին։

Պաղեստինյան առողջապահության նախարարության ներկայացուցիչը հայտարարել է, որ Իսրայելի պատասխան ավիահարվածներից Գազայի հյուսիսային հատվածում զոհվել է տասը պաղեստինցի, այդ թվում՝ երեք անչափահաս։

Այս ամենը տեղի է ունենում Երուսաղեմում իսրայելական ոստիկանության և պաղեստինցիների միջև բախումների ֆոնին, որոնք շարունակվում են արդեն մի քանի օր։ Բախումների ընթացքում տուժել է ավելի քան 300 հոգի։ Դրանք վերջին տարիներին ամենակատաղի ընդհարումներն են։

Փոխանցում է BBC-ն։

Կիսվել