Մահացել է թատերագետ, բազմաթիվ ֆունդամենտալ աշխատությունների, հատկապես Հայոց ծածկանունների կոթողային բառարանի հեղինակ Բախտիար Հովակիմյանը

Արթուր Հայրապետյան Հունիս 17, 2022

Մի՞թե այսքան անտարբեր ենք

Քանի որ այս հարթակում կան մարդիկ, որոնք իսկապես անտարբեր չեն մեր ազգային արժեքներին, ասեմ, որ երեկ այդ ազգային բացարձակ արժեքներից մեկն է մահացել՝ թատերագետ, բազմաթիվ ֆունդամենտալ աշխատությունների, հատկապես Հայոց ծածկանունների կոթողային բառարանի հեղինակ Բախտիար Հովակիմյանը (1926-2022):

Ինչպե՞ս կարելի է մոռանալ նրան իր հնամենի ձեռնափայտով, այդ առաջացած տարիքում Մատենադարան բարձրանալիս:

Ինչպե՞ս կարելի է ուրանալ նրա վաստակը՝ հրաժեշտի ու գնահատանքի մի խոսք անգամ չասելով:

Հ.Գ. «Ազգ» օրաթերթից բացի ուրիշ ոչ մի տեղ չեք գտնի նրա մահվան լուրը:

Հ.Գ. Նույն անտարբերությունն էր, երբ վախճանվեց մյուս մեր անվան թատերագետ Վարսիկ Գրիգորյանը:

Մենք առաջին հերթին պարտվել ենք ինքներս մեզ, հետո՝ թուրքին:

Սերգեյ Մանվելյան

Կիսվել