Պատերազմը շարունակվում է
Արթուր Հայրապետյան
Օգոստոս 12, 2021
Պատերազմը շարունակվում է։ Մենք ոչ թե կանգնեցնում ենք աղետը, այլ շարունակ մեղադրում մեզնից դուրս` մեր դառը ճակատագիրը։ Ոչինչ չի արվում, որ փրկենք մեր չքնաղ երկիրը։ Ապաշնորհ ու ազգակործան իշխանության նպատակը այլեւս շատ պարզ է` դատարկել Հայաստանը, եւ այն թողնել թշնամուն։ Մենք ամեն բան պետք է անենք, որ թե Արցախում, թե Հայաստանում մարդիկ չգնան։ Ասում եմ ու մտածում` ինչպե՞ս, երբ մենք նպաստում ենք մարդկանց, մեր անտարբերության պատճառով։
Եթե խոսում ենք դատական համակարգից, մեծագույն խնդիրներից մեկն այս համակարգում, իմ սուբյեկտիվ գնահատականով կոռուպցիան է։ Դա միշտ էլ խնդիր է եղել, Սոկրատի ժամանակից սկսած, որովհետև դա մարդկային հարաբերությունների մեջ այնքան արմատացած է, որ բնազդի տեսք ունի։ Կոռուպցիայի դեմ պայքարելու համար՝ լուրջ պետական քաղաքականություն, համակարգված ծրագիր ու մոտեցում է պետք, որ չկա։ Արտագաղթի ծավալների նվազեցմանը այսօր կարող է նպաստել միայն մի բան` փակել սահմանները գնացողների առաջ: Հայաստանն այսօր դա չի կարող անել: Մյուս կողմից մարդկանց առաջ ճանապարհները փակելով ժողովրդագրական խնդիր չես լուծի: Արդեն իսկ ծնելիության նվազումը ճգնաժամային կետի է հասել: Անիմաստ է վարչական լուծումներ փնտրել արտագաղթի հարցում, անիմաստ է ջայլամի նման գլուխը ավազների տակ թաղել: Միմիայն մի բան անելով Հայաստանը կարող է նվազեցնել արտագաղթը` արդարադատություն: Սա հստակ քաղաքականություն է. դատարկել երկիրը հատուկ նպատակներով... Պատերազմը շարունակվում է... իսկ ԱԺ-ն շարունակում է անմեղ արյան հաշվին ինքնահաստատվելու ճիգ գործադրել։ Աղետ է...
Արթուր Հայրապետյան
Կիսվել