Սա խաղաղության դարաշրջան կոչվող հանցագործության հետեւանքն է
Արթուր Հայրապետյան
Հոկտեմբեր 03, 2022
Թշնամին թե ինչպես է կտտանքների ենթարկում մեր տղաներին, դժվար է նկարագրել։ Տեսանյութը պետք է քար լինես, որ նայես ու հանգիստ նստես, իսկ ոմանք դեռ խոսում են, թե ինչպես թշնամու հետ պետք է գնալ խաղաղության։
Մեր տղերքին ծնկաչոք սպանում են, իսկ մարդիկ դեռ ասում են, թե ինչ մեղավոր է իշխանությունը։ Մեղավոր չէ՞։
Անքան մեղավոր է, որ ձեր ուղեղները լցրել էր, թե թուրքի հետ խաղաղություն հնարավոր է։
Դե հիմա ապրեք էդ մեղքի հետ, եթե իհարկե խիղճ ունեք։
Այս ամենի մասին պետք է աշխարհին տեղ հասցնել։ Պետք է ամենօրյա ռեժիմով բոլոր միջազգային կառույցներին ցույց տալ, թե ինչ մեղմ ասած անմարդկային վերաբերմունքի է արժանանում հայ զինվորը թշնամու ձեռքին։
Հ.Գ. Սա խաղաղության դարաշրջան կոչվող հանցագործության հետեւանքն է։
Թշնամին 44-օրյա պատերազմից սկսած մինչեւ առ այսօր ռազմական հանցագործություններ է իրագործում, ու մարսում։ Մերոնք անգամ վախենում են նրանց ագրեսոր համարել։ Մերոնք, որ արդեն կասկածելի է մերոնք են, թե չէ` կոնֆլիկտ էին համարում թշնամու հարձակումն ու վայրագությունները։ Թշնամու շահը սպասարկողներից ի՞նչ ենք պահանջում, ես էլ չգիտեմ։ Հանկարծ չասեք, որ ամեն ինչ անում են, բայց թշնամին միեւնույն է շարունակում է մեր դեմ ռազմական հանցագործությունները։ Սա էլ չլինի` փող կա, բայց մեզ զենք ծախող չկա։
Մենք` նեղ շրջանակներով ընդամենը միջազգային կառույցներից պահանջում ենք պատժել....իսկ նրանք, ովքեր միջազգային կառույցներին պետք է ստիպեին արձագանքել, մեզ համոզում են, որ դա «խաղաղության» գինն է։
Արթուր Հայրապետյան
Կիսվել