ՍԴ-ն հակասահմանադրական ճանաչեց պարտադիր ՊՇՌ թեստ հանձնելը

Արթուր Հայրապետյան Դեկտեմբեր 23, 2021

ՍԴ որոշումը վերջնական է ու ուժի մեջ է մտնում հրապարակման պահից։

Սահմանադրական դատարանը հակասահմանադրական ճանաչեց Առողջապահության նախարար Անահիտ Ավանեսյանի հրամանը, որով չպատվաստված աշխատողները որոշակի պարբերականությամբ պետք է պարտադիր ՊՇՌ թեստ հանձնեն իրենց հաշվին:

««ՊՇՌ հետազոտությունն աշխատողն իրականացնում է իր հաշվին» նախադասության «իր հաշվին» բառակապակցությունը ճանաչել ՀՀ Սահմանադրության 6-րդ հոդվածի 1-ին, 2-րդ մասերի և 39-րդ հոդվածին հակասող և անվավեր»,– որոշումը հրապարակելիս հայտարարեց ՍԴ նախագահ Արման Դիլանյանը։

Հետազոտության դիմաց վճարող սուբյեկտների սահմանումը, ՍԴ որոշման համաձայն, «դուրս է առողջապահության նապարարի իրավասության սահմաններից»։

ՍԴ որոշումը վերջնական է ու ուժի մեջ է մտնում հրապարակման պահից։

Կիսվել