Թուրքական մեդիաները գրում են մոտ օրերին Սյունիքի համար զինված հակամարտության մեկնարկի մասին

Աննա Անտոնյան Սեպտեմբեր 24, 2023

Թուրքական մեդիաները գրում են մոտ օրերին Սյունիքի համար զինված հակամարտության մեկնարկի մասին։ Խոսվում է "Զանգելան֊Զանգեզուր" ուղղության մասին։

Ընդ որում, ըստ թուրքական աղբյուրների` Հայաստանն ու Իրանը պատրաստվում են համատեղ գործողությունների։ Մի կողմից, հնարավոր է, գործ ունենք քաղաքական  տեխնոլոգիայի հետ, որի կիրառման նպատակն է լեգիտիմացնել Թուրքիայի մասնակցությունը ռազմական գործողություններին` Իրանին զսպելու նպատակով։

Սակայն մյուս կողմից ակնհայտ է, որ նման սցենարի իրագործման դեպքում "Իրան֊Հայաստան" ասելով Հայաստանի տակ պետք է հասկանալ... "որոշ հյուսիսային ուժերի"։

Հասկանալով այդ ռիսկը` ՀՀ պսևդո֊իշխանության պարագլուխն այսօր ելույթ է ունենում բացահայտ հակառուսական թեզերով, իսկ օրեր առաջ էլ, իրանական աղբյուրների փոխանցմամբ, մերժում է Թեհրանի առաջարկը մասնակցելու Իրանի և Ռուսաստանի պաշտպանության նախարարների հանդիպմանը` Հայաստանի և Արցախի համար անվտանգության նոր մոդել մշակելու համար։

Հատկանշական է նաև, որ Էրդողանի նախիջևանյան այցի օրակարգում ադրբեջանական էքսկլավում մոդեռնիզացված ռազմական համալիրի բացումն է, ինչը կարող է  կարևոր դեր խաղալ միջանցքի բացման և հետագայում հակաիրանական պլացդարմի ձևավորման գործում։
Գրում է Վահե Դավթյանը 

Կիսվել